60 حاڵهتى نوێى تووشبوون به كۆرۆنا له عێراق تۆماركران
پشكنینى كۆرۆنا بۆ هاووڵاتیهكى عێراقى | فۆتۆ: Reuters
كهمێك لهمهوبهر وهزارهتى تهندروستیى عێراق رایگهیاند: لهماوهى 24 كاتژمێرى رابردوودا 60 حاڵهتى نوێى تووشبوون به كۆرۆنا تۆماركراون و دوو كهسیش به ڤایرۆسهكه گیانیان لهدهستداوه.
له راگهیهنراوێكدا كه ئهمڕۆ ههینى بڵاوكراوهتهوه وهزارهتى تهندروستى ئاشكرایكردووه: “60 حاڵهتى نوێى تووشبوون تۆماركراون بهمشێوهیه: 34 حاڵهت له بهغدا، یهك حاڵهت له دیاله، 9 حاڵهت له میسان، 12 حاڵهت له بهسره، دوو حاڵهت له زیقار، دوو حاڵهت له سهڵاحهدین”.
لهبارهى ئامارهكانى مردن و چاكبوونهوهشهوه وهزارهتى تهندروستى ئهوهى خستووهتهڕوو: “دوو كهس به ڤایرۆسهكه گیانیان لهدهستداوه له بهغدا، هاوكات 35 كهس چاكبوونهتهوه و ڤایرۆسهكهیان تێپهڕاندووه بهمشێوهیه: بهغدا 11 كهس، نهجهف دوو كهس، بهسره پێنج كهس، بابل یهك كهس، زیقار چوار كهس، ههولێر پێنج كهس، كهركوك سێ كهس، میسان سێ كهس”.
بهگوێرهى ئامارهكانى وهزارهتى تهندروستى كۆى گشتى ئامارهكانى كۆرۆنا له عێراق تا ئێستا گهیشتووهته 2 ههزار و 603 كهس، لهو ژمارهیهش 104 كهس گیانیان لهدهستداوه و ههزار و 661 كهس چاكبوونهتهوه و 838 كهیسى چالاك-یش بوونى ههیه.
