یۆنان: تورکیا جێگەی متمانە نییە و هەڕەشەیە بۆ ناوچەکە
ئاوەکانی تورکیاو یۆنان
SNN
شەوی رابردوو هێزی دەریایی رایگەیاند، سێ کەشتی دیکە رەوانەی رۆژهەڵاتی دەریای ناوەڕاست دەکەن بەمەبەستی رووپێوی و گەڕان و پشکنین بەدوای سەرچاوەکانی نەوت و گاز، هەرزوو یۆنان ئیدانەی ئەو کارەی کرد.
وەزارەتی دەرەوەی یۆنان لە راگەیەندراوێکدا ئیدانەی ئەو کارەی تورکیای کرد و وتیشی: “رەوانەکردنی ئەو کەشتییانە هەڕەشەیە بۆسەر ئاشتی و سەقامگیریی ناوچەکە.
وەزارەتەکە، حکومەتی تورکیای بە “متمانەپێنەکراو” وەسفکردووە و دەشڵێت، راستگۆ نەبووە لە دەستپێکردنی دانوستان سەبارەت بە گرژییەکان.
وەزارەتی دەرەوەی یۆنان باسی لەوەشکردووە، ئەنقەرە هۆکاری ناسەقامگیری و کێشەکانی ناوچەکەیە، لە عێراق و سوریا و قوبرس و لیبیا و ئیجە، ئێستاش هەوڵی تێکدانی سەقامگیری قەرەباغ دەدات.
لەلایەکی دیکەوە کریاکۆس میتسۆتاکیس سەرۆکوەزیرانی یۆنان سەبارەت بە گرژییەکانی لەگەل تورکیا، بە رۆژنامەی ‘تا نیا”ی یۆنانی وتووە، “نامەوێت شەڕ رووبدات، ئەمە شتێکە کە کەس خوازیاری نییە.
