لاهور شێخ جەنگی بە بڕی نزیکەی 1 ملیار دینار هاوکاری نەخۆشخانەی کۆرۆنا لە ڕاپەڕین دەکات

SNN-محەمەد مستەفا

ئەمڕۆ دوو شەممە دوای گەیشتنی بە ئیدارەی راپەڕین، لاهور شێخ جەنگی سەردانی نەخۆشخانەی کۆرۆنای کرد لە ناحیەی چوارقوڕنە و بڕیاریدا پێداویستیەکانی تەواوکردنی نەخۆشخانەکە دابین بکات .

تەها محەمەد بەرپرسی راگەیاندنی تەندروستی راپەڕین بە SNN ی راگەیاند: لاهور شێخ جەنگی هاوسەرۆکی یەکێتی نەخۆشخانەی 100 قەرەوێڵەی تایبەت بە کۆرۆنای بەسەرکردەوە و بڕیاریدا بە نزیکەی بڕی 1 ملیار دینار هاوکاری ئەو نەخۆشخانەیە بکات .

وتیشی: “دابینکردنی ئەو بڕە پارەیە وادەکات لە ماوەیەکی نزیکدا کەلوپەل و پێداویستیەکانی نەخۆشخانەکە دابین بکرێن و نەخۆشخانەکە بە تەواوی بە رووی هاووڵاتیانی ئیدارەی راپەڕین بکرێتەوە “.

وا بڕیارە هەر ئەمڕۆ لاهور شێخ جەنگی سەردانی دەربەندی ڕانیە بکات و بەدواداچوون بۆ پڕۆژەی ئاوی دەربەندی رانیە و پردی دەربەندی رانیە بکات.