هەواڵێکی خۆش لەبارەی کۆرۆناوە… چارەسەرێکی هەرزان دۆزرایەوە

SNN

زانایانی هۆنک کۆنگ ئەمڕۆ دووشەممە رایانگەیاند “حەبێکی دژە مایکرۆب کە نرخەکەی هەرزانە و بەکاردێت بۆ ئازاری گەدە، پاشئەوەی لەسەر ئاژەڵ تاقیکراوەتەوە، ئەنجامێکی باشی بۆ چارەسەری کۆرۆنا پێیە”.

زاناکان مشکی سورییان بەکارهێناوە لە تاقیگەکانیاندا و حەبی رانیتیدین سیترات ئەلبیزمؤت-یان بەکارهێناوە کە ئەنجامێکی باشی هەبووە لە نەهێشتن و قەڵاچۆکردنی ڤایرۆسی سارس – کوڤ- 2″.

رانمینگ وانگ یەکێک لە توێژەرانی تاقیکردنەوەکە دەڵێت “دەرمانەکە کاریگەریی لەسەر ئەو ڤایرۆسە زۆر بەهێز بووە کە خستمانە سییەکانی مشکەکەوە و رەنگە بۆ کۆرۆناش بەسوود بێت”.

رۆژی 11ی مانگی ئابی رابردوو ڤلادیمێر پۆتین سەرۆکی رووسیا رایگەیاند “وەزارەتی تەندروستیی وڵاتەکەی یەکەم ڤاکسینی کۆرۆنای لە جیهان پەسەند کرد و کچەکەی خۆشی ڤاکسینەکەی لەسەر تاقیکراوەتەوە.”

ئەو ڤاکسینە لەلایەن دامەزراوەی گامالایە بەرهەمهێنراوە و رۆژی 11-8-2020 لەلایەن وەزارەتی تەندروستیی رووسیاوە گڵۆپی سەوزی بۆ هەڵکرا.