ئه‌ستێره‌یه‌كی بایرن میونخ بۆ 2 یاری رادەگیرێت
تۆلیسیۆ
SNN Sport
یانه‌ی بایرن میونخی ئه‌ڵمانی رایگه‌یاند كه یه‌كێتیی تۆپی پێی ئه‌ڵمانیا سزای راگرتنی بۆ 2 یاری بەرامبەر بە ئه‌ستێرە فه‌ره‌نسیه‌كه‌ی تۆلیسۆ سه‌پاندووە، ئەمەش پاش کرانەدەرەوەی له یاری بەرامبەر بە ئه‌رمینیا بیلفێڵد له بۆندسلیگادا.
تۆلیسۆ له میانه‌ی بردنه‌وه‌ی یانه‌كه‌ی له به‌رامبه‌ر بیلفێڵد به ئه‌نجامی 4-1 گۆڵ كارتی سووری وه‌رگرت ، بەوهۆیەوە بۆ ماوەی 2 یاری راده‌گیرێت ئەمەش به‌ده‌ر له یارییه‌كانی خولی یانه پاڵه‌وانه‌كانی ئه‌وروپا كه یانه باڤاریه‌كه رووبه‌ڕووی ئا‌تلەتیكۆمه‌درید ده‌بێته‌وه.
تۆلیسۆ له دوو یاری بایرن میونخ له بۆندسلیگا دا لە رۆژی 24ی ئه‌م مانگه به‌رامبه‌ر فرانكفۆرت و 31 هه‌مان مانگ له به‌رمبه‌ر كۆلن ئاماده نابێت.
