وێنە:له گهڕی دووهمی حولی نایابی عێراق دێربی كوردستان به یهكسانبوون كۆتاییهات
دیمەنێک لە یاریەکە
حسین كهركوكی-SNN Sport
له چوارچێوهی یارییهكانی گهڕی دووهمی خولی نایابی عێراق ، ئهمڕۆ شهممه 31/10 دێربی كوردستانی خولهكه بهرێوهچوو و تیایدا ههولێر لە یاریگای خۆی میوانداری یانهی زاخۆی كردوو یارییهكهش به یهكسانبوونی ههردوو تیپ به گۆڵێك تهواو بوو.
گێمی یهكهمی یاریهكه سهرباری ههوڵهكانی ههردوو لا به خاوێنی و بە بێ گۆڵ تهواو بوو.
لە گێمی دووەمی یاریهكه یانەی هەولێر سەرەتا لە خولەکی 66 لە لایەن فەرحان شەکور گۆڵی پێشکەوتنی تۆمار کرد.
دواتر وهڵامی یانهی زاخۆ لە دواساتەکاندا بوو کاتێک له خولهكی زیادكراودا (90+2) كاتێک ناوبژیوان لێدانێكی سزای بۆ زاخۆ ئهژماركردوو پیشهگهری بهرازیلی( داڤید کاستانیدا) لە خولەکی (90+5)سهركهوتوو بوو له جێبهجێكردنی و ئهنجامهكهی بۆ زاخۆ یهكسان كردهوه.
ئهمهش دووهم یهكسان بوونی زاخۆیه و یهكهم یهكسانبوونی ههولێر بوو دوای بردنهوهیهك له گەڕی یهكهمی خولهكه .
