یانهی سهناعه متمانهی به پاسیكلسواره كوردهكهی بهخشییەوە
ئهیاد محهمهد لە کاتی واژووکردنی گرێبەستەکەی
حسێن كهركوكی- SNN Sport
یانهی سهناعهی شاری بهغدا متمانهی بهخشییەوه بە پاسكیلسوار ئهیاد محهمهد یاریزانی ههڵبژاردهی عێراق به نوێكردنەوهی گرێبسهتهكهی.
ئهیاد محهمهد سهبارهت به نوێكردنهوەی گرێبهستهكهی لهگهڵ یانهی سهناعه وتی:” یانهی سهناعه یهكێكە له یانه بههێزهكانی سهر گۆڕهپانی ركابهرییهكانی پاسكیلسواری عێراق و مانهوهشم تیایدا ئامانجم مانهوهیه له بازنهی ركابهرییهكانی یهكهمی عێراق، دواتر بۆ پاڵهوانێتییه نێودهوڵهتییهكان”.
وتیشی:” نوێكردنهوهی گرێبهستهكهم له سهر رهزامهندی خۆم و ئیدارهی یانهكه بوو، سهرباری ئهوهی چهند یانهیهكی تر ئۆفهریان پێشكهش كردم ، بهڵام مانهوهم ههڵبژارد”.
ههروهها وتیشی:” بۆ راهێنانەكان ، له ئیستادا خۆم له ماڵهوه و شاری كهركوك به تهنیا راهێنان دهكهم بۆ پارێزگاریكردن له سهر لێهاتووی جهستهییم و پێش پاڵهوانێتییهكان بهشدار دهبم له كهمپهكانی مهشق و راهێنانه به كۆمهڵهكانی تیپهكه”.
له كۆتاییدا و سهبارهت به كاریگهرییهكانی ڤایرۆسی كۆرۆنا ئهیاد محهمهد وتی:” بێگومان كۆرۆنا كاریگهری ههبووه ، من له ئێستادا یاریزانی ههڵبژاردهی عێراقم ، بهڵام له دوایین تاقیكردنهوهكان كه تایبهت بوو بهخشینی مووچه، یاریزانانی ههڵبژاردی عێراق وهكوو پێویست نهبوو کە بەپێی پۆلێنکردن مووچەیان پێدەدرێت ، هیوادارم له وهرزی داهاتوو بگهرێمهوه ئاستی جاران و باشتر”.
