عێراق لەگەڵ کۆمپانیای “شێڤرۆلێت و کادیلاک” رێکدەکەوێت بەرهەمەکانیان لە ناوخۆیی وڵات ساغ بکەنەوە

SNN

وەزارەتی بازارگانی عێراق ئەمڕۆ پێنجشەممە 5ی تشرینی دووەم، رایگەیاند: کە لەگەڵ گەورە کۆمپانیای ئەمریکا بەناوی (جێنەڕاڵ مۆتۆر) رێککەوتوون کە بێنێتە عێراق و بەشێوەیەکی فەرمی بەبێ دەستی دووەم و وەکالەت بەرهەمەکانیان ساغ بکەنەوە.

بەپێی رێککەوتنەکە جێنەڕاڵ مۆتۆر (شێڤرۆلێت و کادیلاک و جی ئم سی) و ACDLCO دێتە عێراق و بەرهەمەکانی لە سەرتاسەری عێراق ساغ بکاتەوە، بە جۆرێک بەرهەمەکانی ئەم کۆمپانایە بەپێی تایبەتمەندی عێراق بێت.

ئەم هەنگاوەی عێراق دەبێتە هۆی ساغکردنەوەی بەرهەمەکانی جێنەڕاڵ مۆتۆر لە عێراق و گەڕانەوەی ئەو پارە زیادەیەی کە لە ڕێگەی وەکیلەکانەوە دەڕواتە دەرەوەی عێراق، بۆیە هاووڵاتیانی عێراق دەتوانن بەنرخی راستەقینەی خۆی ئەو ئۆتۆمبێلانە بکڕن، کە راستەوخۆ جێنەراڵ مۆتۆر لە ئەمریکاوە دەیهێنێتە عێراق.