خانهقین.. ههموو ئاوارهكان گهڕێندرانهوه و كهمپهكان داخران
وێنەی کەمپێکی ئاوارەکان
SNN- سیروان حهسهن
له شارى خانهقین لهسهر داواى وهزارهتى كۆچ و كۆچبهرانى عێراق ههموو ئاوارهكان ئهوانهشى كه رازى نهبوون بگهڕێنهوه، له كهمپهكان دهركران و گهڕێندرانهوه بۆ شوێنى خۆیان و كهمپهكانیش داخران.
عیسا عهبدوڵا بەڕێوهبهرى راگهیاندنى نووسینگهى كۆچ و كۆچبهرانى خانهقین بهSNNى راگهیاند؛ ئهمڕۆ چوارشهممه لهسهر داواكارى وهزارهتى كۆچ و كۆچبهرانى عێراق ههردوو كهمپهكهى خانهقین كه پێشتر دامهزرێندرابوون بۆ ئاوارهكانى شهڕى داعش داخران.
وتیشى: “له شارى خانهقین زۆربهى ئاوارهكان پێشتر گهرێندرابوونهوه، بهڵام نزیکهى 130 خێزان مابوونهوه به بیانووى خراپیى ڕهوشى ئهمنى ناوچهكانیان رازى نهدهبوون بگهڕێنهوه، بهڵام ئهمڕۆ به ناچارى و لهبهر فهرمانى سهرهوهى خۆیان گهڕێندرانهوه بۆ زیدى خۆیان و كۆتایى به پرسى كهمپى ئاوارهكان هێنرا و داخران.
ئهوهشى خستهڕوو، ئهو ئاوارانهى مابوونهوه زیاتر خهڵكى ناوچهكانى سهعدیه و شارهبان بوون و زۆبهشیان له نهتهوهى عهرهب بوون.
حكومهتى عێراق بڕیاریداوه تهواوى كهمپى ئاوارهكان له سنوورى عێراق به ههرێمى كوردستانیشهوه دابخات و له ههرێمى كوردستان له قۆناغى یهكهمدا ئێستا كهمپهكان تێكهڵاو دهكات و كهمیان دهكات و دواتر ئهواینش دادهخات.
