چاڵی مەرگ کە 10 هەزار کوژراوی تێدایە لە موسڵ هەڵدەدرێتەوە

SNN

حکومەتی عێراق بڕیاریدا چاڵی مەرگ کە 20 کیلۆمەتر لە باشووری شاری موسڵە هەڵبداتەوە کە تەرمو ئێسک و پرسوکی هەزاران هاووڵاتی موسڵی سەردەمی داعشی تێدایە کە دەسەڵاتیان لە ناوچەکەدا هەبوو.

سەعد عەبدولی ئەندامی دەستەی راوێژکاران لە بەغدا رایگەیاند: هەڵدانەوەی چاڵی مەرگ لە موسڵ پێویستی بە راوێژکار و چاودێران و شارەزایانی نێودەوڵەتییە، چونکە ئێمە نازاین ژمارەی ئەو تەرمانە بە وردی چەندە کە لەو چاڵەدا پاش کوشتنیان فڕیدراونەتە ناوی، ئاماژەی بەوەشکرد، جەستەی قوربانییەکان بەشێوەی ستونی فڕێدراونەتە ناو چاڵەکەوە بۆیە نازانین ژمارەی قوربانییەکان چەندەو ئێسک و پروسکی سەرجەمیان بەسەر یەکدا تێکەڵبووە، بۆیە دەبێت کەسانی زۆر تایبەتمەند بێن و ئەو گۆڕە لەگەڵمان هەڵبەنەوە.

عەبدولی وتیشی “ژمارەکان پێمان دەڵێن ئەو چاڵە بە نزیکەی زیاتر لە 10 هەزار هاووڵاتی فرێدراوەتە ناوی، بۆیە تیمێکی نێودەوڵەتیمان پێویستە هاوکارمانبن، چاڵی مەرگ کە دەکەوێتە باشووری موسڵ پانییەکەی 40 مەترە و قوڵییەکی 150 مەتر زیاترە”.