لەبەردەم مزگەوتی گەورەی سلێمانی دوو کەس کوژران

SNN-هەڵکەوت سەروەت

لەبەردەم مزگەوتی گەورەی شاری سلێمانی رووداوێکی شەڕکردن روویداوە، بەهۆیەوە دوو کەس کوژراون و دوو کەس دەستگیرکراون.

سەرکەوت ئەحمەد، وتەبێژی پۆلیسی سلێمانی رایگەیاند، ئەو کەسانەی کوژراون تەمەنیان 23 ساڵان و 22 ساڵانە. شەڕەکەش لەنێوان ژمارەیەک کەسدا بووە، ئەو دوو کەسەی کوژراون شوێنەواری چەقۆ بەسەر جەستەیانەوە دیارە.
بەگوێرەی ئەو زانیاریانەی کە دەست SNN کەوتوون: شەڕەکە لەسەر شوێنی کارکردنی ئەو خواردن فرۆشانەبووە کە لەبەردەم مزگەوتی گەورە کاردەکەن، هاوکات کەسێکیش هەڵاتووە.
لە ئێستادا کوژراوەکان تەرمەکانیان بۆ نەخۆشخانەی شار لە سلێمانی گواستراوەتەوە و دواتر بۆ پزیشکی دادوەری دەگوازرێنەوە بەمەبەستی لێکۆڵینەوەی زیاتر.