سەرۆکی ئەرکانی سوپای ئێران: ئەمریکا لە عێراق نیازی خراپە
وێنەی کۆبوونەوەکە
SNN
سەرۆکی ئەرکانی گشتیی هێزە چەکدارەکانی ئێران رایگەیاند “هەماهەنگیی بەرگری لەنێوان تاران و بەغدا ئاسایشی ناوچەکە بەهێزتر دەکات، دەشڵێت: “ئەمریکا دەیەوێت تیرۆریستان لە ناوچەکەدا بڵاوە پێبکاتەوە جارێکیتر”.
ئەمڕۆ یەکشەممە جومعە عیناد وەزیری بەرگری عێراق بەسەردانێک گەیستە ئێران و لەلایەن لیوا محەمەد باقری سەرۆکی ئەرکانی گشتیی هێزە چەکدارەکانی ئێران-ەوە پێشوازیی لێکرا.
باقری راشیگەیاند “کە وڵاتەکەی شەهیدێکی زۆری داوە لە عێراق لە سەرووهەموویانەوە قاسم سلێمانی، بۆیە لەگەڵ هاوتا عێراقییەکانمان بەردەوامدەبین لە هەماهەنگیی سەربازی”.
سەرۆکی ئەرکانی گشتیی هێزە چەکدارەکانی ئێران ئەوەشی خستەڕوو “هەرچی پێویست بێت لەڕووی هاوکاری سەربازییەوە پێشکەشی عێراقی دەکەین”.
