لێدوانی میسی پاش بردنەوەیان لە پیرۆ

SNN Sport

لە پاڵاوتنەکانی ئەمریکای باشوور بۆ گەیشتن بە مۆندیالی 2022ی قەتەر، بەرەبەیانی ئەمڕۆ ئەرجەنتین گەڕایەوە بۆ بردنەوەکانی توانی 2-0 لە دەرەوەی یاریگای خۆی لە پیرۆ بباتەوە.

گۆڵەکانی تانگۆ یاریزانان نیکۆلاس گۆنزالێز و لاوتارۆ مارتینێز لە خولەکەکانی 17 و 28 تۆماریان کرد.

دوای یاریەکە میسی قسەی بۆ میدیاکان کردوو وتی:” خۆشحاڵبووین بەم بردنەوە، پێویستمان بەوە بوو،ئەمەش پاش یاری پاراگوای،ئێمە هەر لە سەرەتاوە بە باشی یاریمان کرد،گۆڵەکان هاتن و زوو زوو دەرفەتان بۆ دروست دەبوو،لە نیوەی دووەمی یاری پارگوای یارییەکی باشمان کرد، وابزانم لەسەر هەمان هێڵ بەردەوامین، تا ئەو کاتەی کەمێک ئاستمان بەرز دەکەینەوە، وابزانم دەبێت بەمشێوەیە بێت،کەم تا زۆر بەهێزتر دەبین وەکوو گروپ”.

لە کۆتایدا  وتی:”هەرکات گەیشم بە ئێرە هەوڵ دەدەم و  هەموو هەوڵم بۆ ئەوەبێت هەست بکەم کە توانام هەیە بۆ شەڕکردن بۆ ئەم درێسە،هەست بە باشی دەکەم کە بەردەوام دەبم لە کارکردن و بەشداریکردن لە یارییەکان”.