ڤیدیۆ:ئەیسی میلان وەستانی نیە

SNN Sport

لە خولی ئیتاڵیاو لە  یارییەکانی هەفتەی هەشتەم، یانەی ئەیسی میلان درێژەی بە ئەنجامە باشەکانیداو توانی بردنەوەیەکی تر بەرامبەر بە یانەی ناپۆلی بە دەست بهێنێت.

میلان لە دەرەوەی یاریگای خۆی و لە ناو یاریگای سانپاولی بووە میوانی یانەی ناپۆلی، لە ئەنجامدا توانی بە سێ گۆڵ بەرامبەر بە گۆڵێک یاریەکەی لێبباتەوەو پارێزگاری لە پێشەنگی خولەکە بکات.

سێ گۆڵی یانەی ئەیسی میلان زەلاتان ئیبراهیمۆڤیچ لە خولەکەکانی 20 و 54 دوو گۆڵی تۆماری کردوو گۆڵەکەی تر پیتەر هاوگی لە خولەکی 90+5 تۆماری کرد.

تەنیا گۆڵی ناپۆلی یاریزان مێرتێنز لە خولەکی 63 تۆماری کرد.

یانەی ناپۆلی لە خولەکی 65وە بە 10 یاریزانەوە یاریەکەی ئەنجامداو باکایۆکۆ بە کارتی سوور کرایە دەرەوە.

میلان بە 6 بردنەوە  و 2 یەکسانبوون، خاوەنی 20 خاڵەو پێشەنگی سیرا ئای داگیر کردووە.

زەلاتان ئیبراهیمۆڤیچ بەشداری لە 11 گۆڵ کردووە لەم وەرزەی سیرا ئای، 10 گۆڵی کردووەو 1 گۆڵی دروستکردووە، ئەمەش زیاتر لە هەر یاریزانێکی تر.