ئابووریناسێک “فرۆشتنی موڵکەکانی حکومەت بۆ دابینکردنی مووچە گوماناوییە”
لۆگۆی حکومەتی هەرێم
SNN- هەڵکەوت سەروەت
پاش ئەوەی حکومەتی هەرێمی کوردستان دوو پارچە زەوی لە پارێزگای هەولێر دانا بۆ فڕۆشتن و بۆ دابینکردنی مووچە، ئابووریناسێک گومانی هەیە لە فرۆشتنی ئەو زەویانە.
بیلال رەئووف پسپۆڕی ئابووری بە SNNی راگەیاند: فڕۆشتنی زەوی حکومەت بۆ دابینکردنی مووچە کارێکی زۆر هەڵەیە و لەسەر فرۆشتنی ئەو زەویانەش بەکەسانی دیاریکراو جێگەی گومانە و پێویستە ئەو کارانە بە ئاشکرا بکرێت و لە کاتی فرۆشتنیدا دەزگاکان و لایەنە پەیوەنیدارەکان ئاگاداربن.
ئەو ئابووریناسە دەشڵێت: فرۆشتنی زەوی بۆ دابینکردنی مووچەی یەک مانگ کارێکی زۆر هەڵەیە و پێویستە حکومەت ئەو پارانە بخاتە بواری وەبەرهێنانەوە و سوودی بەردەوامی هەبێت و هەلیکاری پێ بڕەخسێنێت نەک بیداتە دەستی مووچە خۆران و تەنها کێشەی کاتییەک مانگی پێ چارەسەربکرێت.
بیلال رەئووف پێی وایە “حکومەت لە دواین فشاردا ئەتوانێت مومتالەکاتی بفرۆشێت و دواتریش دەبێت ئەو پارەیەی لەبەرامبەریدا وەریدەگرێت لە بواری وەبەرهێنان و قازانجی زیاتردا بەکاربهێنرێت”.
