بانکی خوێنی سلێمانی “رۆژانە پێویستمان بە 160 بوتڵ خوێن هەیە”

SNN- هەڵکەوت سەروەت

کۆچەر ئیبراهیم بەڕێوەبەری بەڕێوەبەرایەتی بانکی خوێن بە SNNی راگەیاند: بانکی خوێنی سلێمانی پێداویستی خوێنی سەرجەم نەخۆشخانەکانی سلێمانی و دەوورووربەری پارێزگاکە دابین دەکات و ئێستاش ڕۆژانە بڕی 160 بۆ 170 بوتڵ خوێنمان پێویستە و لەو بڕەش 60 بۆ 70 بوتڵی ڕۆژانە بۆ نەخۆشخانەی هیوایە و ئەویتری بۆ نەخۆشانی نەخۆشخانەکان و رووداوە لەناکاوەکانە کە ڕۆژانە هەمانە.

بەڕێوەبەری بانکی خوێن وتیشی “ئێستا ڕۆژانە 60 بۆ 70 کەس دێن بۆ بەخشینی خوێن و ئەمەش وایکردووە تەنها پێداویستی نەخۆشخانەی هیوامان بۆ پڕ نەبێتەوە، چونکە هەندێک لەو کەسانەی خوێن دەبەخشت سوودی لێوەرناگرین بەهۆی خەستی خوێنەکەیانەوە”.