ماکرۆن: لە کۆڕبەندی ئەوروپا هەڵوێستمان بەرامبەر تورکیا دەبێت
SNN
ئیمانوێل ماکرۆن سەرۆکی فەرەنسا، لە پێش دەستپێکردنی کۆڕبەندنی ئەوروپی لە بروکسیل رایگەیاند: هەڵسوکەوتەکانی تورکیا خراپتربوون و پێویستە ئەوروپا هەڵوێستی خۆی هەبێت دژ بەو وڵاتە.
ماکرۆن رایگەیاند: دەبێت سەرکردەکانی ئەوروپا ئارامی و سەقامگیری رۆژهەڵاتی دەریای ناوەڕاست بپارێزن.
وتیشی: لە کۆڕبەندەکەدا پەیوەندییەکانی ئەوروپا لەگەڵ تورکیا تاوتوێدەکرێت و پێکەوە هەوڵدەدەین هەڵوێستێکی یەکگرتوومان دژ بەو وڵاتە هەبێت کە ئاماژەیەکی روون و ئاشکرا بگەیەنێت، لە هەمان کاتیشدا کار بۆ سەرخستنی بنەما و بەرژەوەندییەکانی ئەوروپا بکەین.
لەگەڵ بەردەوامی تورکیا بۆ گەڕان بەدوای غازدا لە رۆژهەڵاتی دەریای ناوەڕاست، ناکۆکییەکانی ئەوروپا و بەتایبەت فەرەنسا لەگەڵ تورکیا قوڵتربوونەتەوە.
