دووبارە هەزاران لایەنگری ترەمپ ڕژانەوە سەر شەقامەکان و گرژی روویدا

SNN

هەزاران لایەنگری دۆناڵد ترەمپ سەرۆکی سەرنەکەوتوو لە هەڵبژاردنەکانی ئەمساڵ لە واشنتۆنی پایتەخت رژانەوە سەر شەقامەکان، لە خۆپیشاندانێکدا داوایی هەڵوەشاندنەوەی ئەنجامی هەڵبژاردنەکان دەکەن بەهۆی ئەو ساختەکارییەی تێیدا کراوە.

بەڵام ماوەی دوو هەفتە دەبێت کە ترەمپ بێدەنگی هەڵبژاردووەو لەسەر هەڵبژاردنەکان قسە ناکات، بەتایبەت دوای ئەوەی کە دادگای باڵای ئەمریکا وتی” هەڵبژاردنەکانی ئەمریکا هیچ کێشەیەکی تێیدا نەبووەو چیتریش ترەمپ بۆی نییە تانەی لێ بگرێتەوە، بەڵام لایەنگرانی ترەمپ بەردەوامن لە خۆپیشاندان و ئەوان مل نادەن بۆ ئەنجامەکان”.

بەهۆی بەرفراوانی خۆپیشاندانەکان لە هەندێک شوێنی واشنتۆن پۆلیس و هێزی چالاکییە مەدەنییەکان و هێزی هاتنە ناوەوەی خێرا، گازی فرمێسک رێژیان بەکارهێنا تا بتواتنن بڵاوە بە خۆپیشاندەران بکەن و نەگاتە ئاستی توندوتیژی.