“ئهگهر یاساى چاكسازى بهشێوهیهكى خێرا جێبهجێبكرێت حكومهتى ههرێم دهتوانێت مووچه دابهشبكات”
عەلی حەمە ساڵح
SNN – بڕیار محەمەد
ئهندامێكى لیژنهى دارایی له پهرلهمانى كوردستان رایدهگهیهنێت: ئهگهر یاساى چاكسازى بهشێوهیهكى خێرا جێبهجێبكرێت و قاچاخچییهتى له مهرزهكان نهمێنێت حكومهتى ههرێم دهتوانێت مووچه دابهشبكات، ئابووریناسێكیش دهڵێت: “پێویسته حكومهت سوود له بهرزبوونهوهى نرخى دۆلار بهرامبهر دینار وهربگرێت”.
عهلى حهمهساڵح، ئهندامى لیژنهى دارایی له پهرلهمانى كوردستان ئهمڕۆ چوارشهممه به SNNى راگهیاند: “ئهگهر دۆخى دۆسییهى نهوت بهمشێوهى ئێستا بێت كه ههیه، ئهگهر قاچاخچییهتى له دهروازه سنوورییهكان بهردهوام بێت، ئهگهر یاساى چاكسازى بهمشێوهى ئێستا كه ههیه نهچێته بوارى جێبهجێكردنهوه و ههولێر و بهغدا نهگهنه رێككهوتنى كۆتایی، ساڵى داهاتوو ههرێمى كوردستان تووشى قهیرانى دارایی، سیاسى و كۆمهڵایهتى دهبێت”.
وتیشى: “به پێچهوانهوه ئهگهر گهندهڵییهكانى دۆسییهى نهوت نهمێنن و قاچاخچییهتى نهمێنێت و یاساى چاكسازى بهشێوهیهكى خرا جێبهجێبكرێت، تارادهیهك دۆخى ئابوورى ههرێمى كوردستان بهرهو باشتر دهچێت، ئهوكاته ئهگهرى ههیه حكومهتى ههرێمى كوردستان بهبێ گهڕانهوه بۆ بهغدا بتوانێت مووچهى مووچهخۆران بدات و كێشه داراییهكانى چارهسهر بكات”.
ههر لهوبارهیهوه بیلال سهعید، ئابووریناس له شارى ههولێر باس لهو ههله دهكات كه هاتووهته بهردهم حكومهتى ههرێم بههۆى بهرزكردنهوهى بههاى دۆلار بهرامبهر دینار و ئهوهشدهخاتهڕوو: “ئهگهر حكومهتى ههرێم دهستبكات به فرۆشتنى زیاترى نهوت به دۆلار، دهتوانێت بههۆى بهرزبوونهوهى نرخى دۆلارهوه بهبێ پاشهكهوت مووچه دابهشبكات، بۆیه پێویسته سوود لهو ههله وهربگرێت كه بانكى ناوهندى عێراق رهخساندوویهتى”.
