بۆ سەری ساڵ 84 هەزار گەشتیار هاتوونەتە شاری هەولێر

SNNـ بڕیار محەمەد
وتەبێژی دەستەی گەشتوگوزاری هەولێر ئاشکرای دەکات لە ماوەی پشووەكانی سەری ساڵ 84 هەزار گەشتیار لە خواروو ناوەڕاستی عێراق و وڵاتانی دەرووبەر هاتوونەتە شاری هەولێر بۆ پێشوازیكردن لە ساڵی نوێ.

نەریمان گەردی وتەبێژی دەستەی گەشتوگوزاری پارێزگاری هەولێر بە SNNی راگەیاند: لە ماوەی پشووەكانی سەری ساڵ 84 هەزار گەشتیار لە خواروو ناوەڕاستی عێراق و وڵاتانی دەرووبەر هاتوونەتە شاری هەولێر بۆ پێشوازیكردن لە ساڵی نوێ‌.

وتیشی لە چوارچێوەكانی رێنمایەكانی وەزارەتی ناوخۆ بۆ خۆپارێزی لە ڤایرۆسی كۆرۆنا لەو ماوەیەدا 15 هوتێل و مۆتێل و شوێنی گەشتیاری داخراون و سزا دراون، لە شاری هەولێر نزیكەی 400 شوێنی گەشتیاری و مۆتێل و هۆتێل هەیە و پێشوازی لە گەشتیاران دەكات.