ڤیدیۆ:ریاڵ مەدرید گەڕایەوە بۆ بردنەوەکانی و پێشەنگی وەرگرت

SNNsport

پاش یەکسانبوونی بەرامبەر بە یانەی ئیلچی لە هەفتەی رابردوو، یانەی ریاڵ مەدرید گەڕایەوە بۆ بردنەوەکانی و توانی 2-0 لە یانەی سەلتاڤیگۆ بباتەوەو بە کاتی بۆ پێشەنگی لالیگا سەرکەوت.

ریاڵ مەدرید لە ناو یاریگای دی ستیفانۆ میوانداری یانەی سەلتاڤیگۆی کردوو لە ئەنجامدا توانی یاریەکەی 2-0 لێبباتەوەو بگەڕێتەوە بۆ رێڕەوی بردنەوەکانی.

لە سەرەتای یاریەکەو دوای 6 خولەک، لۆکاس ڤازکوێز توانی گۆڵی پێشکەوتن بۆ یانەی شاهانە بکات و گێمی یەکەم 1-0 بە سوودی یانەی ریاڵ مەدرید تەواو بوو.

لە گێمی دووەم یانەی ریاڵ مەدرید درێژەی بە ئاستە بەرزەکەیدا و توانی لە خولەکی 53 گۆڵی دووەم و دڵنیایی بکات، کە یەکەم گۆڵی ئەم یاریزانە بوو لەم وەرزە و لە کۆتایدا یاریەکە بە دوو گۆڵی بێوەڵام تەواو بوو.

بەم بردنەوە خاڵەکانی ریاڵ مەدرید بووە 36 خاڵ و بە کاتی بۆ پلەی یەکەم سەرکەوت.