“پێش کۆتایی ئەم مانگە مووچەی وەزارەتەکان دابەشدەکرێت”

SNN

سەرچاوەیەک لە وەزارەتی دارایی و ئابووری رایگەیاندووە: بڕیارە پێش کۆتایی ئەم مانگە مووچەی سەرجەم وەزارەتەکان دابەشدەکرێت.

سەرچاوەیەک لە وەزارەتی دارایی و ئابووری بە SNNی راگەیاندووە: بڕیار وایە لە ماوەی هەفتەیەکدا مووچەی سەرجەم وەزارەتەکان دابەشبکەن و لە هەموو ئەگەرێکدا پێش کۆتایی ئەم مانگە موچەی سەرجەم وەزارەتەکان دابەشدەکەن.

سەبارەت بە داهاتی کۆکراوەی وەزارەتەکە، ئەو سەرچاوەیە رایگەیاندووە: لە ئێستادا 440 ملیار دینار لە وەزارەتەکە ئامادەیە و چاوەڕوانی پارەی نەوت دەکەن تا ناوەڕاستی مانگ بگات بە دەستیان لەگەڵ گەشتنی دەست بە دابەشکردنی مووچە دەکەن.

تا ئێستا بەپێی ئەو داهاتانەی لە بەردەستیاندایە و بۆیان گەڕاوەتەوە، جگە لە پارەی نەوت 350 ملیار دیناری داهاتی کۆکراوەیان لە بەردەستدایە، کە داهاتی خاڵە سنوریەکان و ناوخۆیە و 90 ملیار دیناریش پارەی مانگی رابردوو، واتە 440 ملیار دینار ئامادەیە.

لە ماوەی رابردوودا، وەزارەتی دارایی هەرێم داوای لە فەرمانگەکان کردبوو لیستی موچەی مانگەکانی 11 و 12 و 1ی فەرمانبەران ئامادە بکەن.