بوومەلەرزەکەی ئیندۆنیزیا سەدان کەسی کردە قوربانی

SNN

ئاژانسی کارەساتە سروشتییەکانی ئیندۆنیزیا رایدەگەیەنێت “بوومەلەرزەکەی ئەمشەوی رابردوو کە کەناراوی سولاویس-ی گرتەوە، 7 کوژراو و سەدان برینداری بەدواوە بووە کە گوڕەکەی 6.2 پلە بووە بە پێوەری رێختەر”.

بەپێی ناوەندە زانستییەکانی ئەو وڵاتە، بوومەلەرزەکە لە دووری 6 کیلۆمەترەوە بووە لە باکووری رۆژهەڵاتی شاری ماجینی و بە قووڵایی 10 کیلۆ مەتر بووە.

بەگوێرەی زانیارییە سەرەتاییەکان 4 کەس لەشاری ماجینی گیانیانلەدەستداوە و 637 کەسیش برینداربوون، بەڵام سێ کەسی دیکەش لەناوچەی ماموجوی نزیک ناوچەی بومەلەرزەکە گیانیانلەدەستداوە و 24 کەسی دیکەش برینداربوون.

لەگەڵ روودانی زەوی هەژێنەکە، هەزاران هاووڵاتی هەڵاتوون کە کاتژمێر 1ی بەرەبەیانی ئەمڕۆ بەکاتی یندۆنیزیا روویداوە و زیاتر لە 60 خانووش لەگەڵ زەوی تەخت بوون.

ئەو وڵاتە دەکەوێتە ناو بازنەی ناوچەی چالاکی بوومەلەرزەوە کە بە بازنەی ئاگر ناسراوە و ساڵی 2018ش تسۆنامییەک هەمان ناوچەی هەژاند و بە هەزاران کەسی کوشت.