نرخی نەوت زیاتر بەرزبووەوە

SNN

نرخى نەوت لە بازاڕەکانى جیهاندا، به‌رزبونه‌وه‌ی زیاتری تۆماركرد ‌و نزیکبووەوە له‌ 63 دۆلار.

ئێواره‌ی ئه‌مڕۆ هه‌ینی 12ی شوبات، نرخی یه‌ك به‌رمیل نه‌وتی خاوی برێنت به ‌62 دۆلار و 70  سه‌نت و نرخی یه‌ك به‌رمیل خاوی ئه‌مریكیش 59 دۆلار و57 سه‌نته‌، ئەوەش بەرزترین ئاستە لە 12 مانگی رابردووه‌وه‌‌.

ئه‌و به‌رزبونه‌وه‌یه‌ش له‌كاتێكدایه،‌ كه‌ سه‌رله‌به‌یانی ئه‌مڕۆ نرخی به‌رمیلێك نه‌وت به‌ 60 دۆلار مامه‌ڵه‌ی پێوه‌ده‌كرا.

دوای بڵاوبوونەوەی ڤایرۆسی کۆرۆنا لە مانگی ئازاری ساڵی رابردوو و کەمبوونەوەی خواست لەسەری، نرخی یەک بەرمیل نەوتی خاوی برێنت لە خوار 20 دۆلارەوە مامەڵەی پێوەدەکرا.