عامری: هێزەکانمان بەرگری لە شەنگال دەکەن لە هەر هێرشێکی تورکیا

SNN

له‌راگه‌یه‌ندراوێكدا، هادی عامری سه‌رۆكی هاوپه‌یمانی فه‌تح رایگه‌یاند: “زانیاری وردی هه‌واڵگری و پشتڕاستكراوه‌مان پێگه‌یشتوه‌ كه‌ سوپای توركیا پلانی هه‌یه‌ هێرشبكاته‌ سه‌ر چیای شه‌نگال و داگیركاری ئه‌نجامبدات”.

وتیشی: “پێویسته‌ حكومه‌تی توركیا كۆتایی به‌و هه‌ڵسوكه‌وته‌ دوژمنكارانه‌یه‌ی به‌رامبه‌ر خاكی عێراق بهێنێت، چونكه‌ خزمه‌تی به‌رژه‌وه‌ندییه‌كانی هه‌ردو وڵات ناكه‌ن و كاریگه‌ری خراپیان له‌سه‌ر په‌یوه‌ندییه‌ نێوده‌وڵه‌تییه‌كان ده‌بێت”.

هادی عامری لەو راگەیێندراوەیدا باس لەوە دەکات، “چاوەڕوان بووین حکومەتی تورکیا هێزەکانی بە تەواوەتی لە خاکی عێراق بکشێنێتەوە، چ لە باشیک بێت یان لەو سنوورەی کە لەم دواییە داگیری کرد، نەک زیاتر داگیرکاری بکات، بۆیە پێویستە حکومەتی عێراق هەموو رێکارێکی پێویست بگرێتەبەر بۆ بەرەنگاربوونەوەی ئەو دەستدرێژییە بۆ سەر خاکی عێراق”.