کاتی دەنگدات لەسەر پڕۆژە یاسای بودجەی 2021ی عێراق ئاشکرا کرا
ئەنجومەنی نوێنەرانی عێراق
SNN
ئەحمەدی حاجی ڕەشید، ئەندامی لیژنەی دارایی لە ئەنجوومەنی نوێنەرانی عێراق رایگەیاند: لە 48 کاتژمێری داهاتوودا دەنگ لەسەر پرۆژە یاسای بودجەی 2021ی عێراق دەدرێت.
ئەو ئەندامەی لیژنەی دارایی رونیشیکردەوە، تاکە شتێک مابێتەوە لە پرۆژەیاسای بودجەی 2021 تەنیا پشکی هەرێمە لە بودجەکەدا، پێکهاتەی کوردی لە ئەنجوومەنی نوێنەرانی عێراق پابەندی ئەو دەقەن کە لەسەری رێککەوتوون، بەڵام تا ئێستا ئەو بڕگانەی کە دەستکاری کراون جێگرەوەیان بۆ دیاری نەکراوە.
ئەحمەدی حاجی رەشید ئاماژەی بەوەکرد: لە ماوەی 48 کاتژمێری داهاتوودا ئەو دەقە و جێگرەوەی یەکلای دەبێتەوە بۆیە پێدەجێت لە رۆژی پێنجشەممەدا دەنگ لەسەر پرۆژە یاسای بودجە بدرێت یاخود لە سەرەتای هەفتەی داهاتوودا بێت.
