کۆمسیۆن” گەر تەواوی پێویستییەکانی هەڵبژاردن بۆ دەرەوە تەرخان نەکەین دەتوانین ئەنجامی نەدەین”
هەڵبژاردنەکانی عێراق
SNN
کۆمسیۆنی باڵای سەربەخۆی هەڵبژاردنەکانی عێراق، ئەمڕۆ پێنجشەممە، رایگەیاند: گەر نەتوانین تەواوی پێویستی و رێکارەکانی هەڵبژاردن بۆ عێراقییە پەنابەرەکانی وڵاتانی دەرەوەی فەراهەم بکەین، دەتوانین لە دەرەوەی وڵات هەڵبژاردن ئەنجامنەدەین.
عەدنان خەلەف سەرۆکی لیژنەی کۆمسیۆنی هەڵبژاردن رایگەیاند: سورین لەسەر ئەوەی کە پێویستە سەرجەم هاووڵاتییان کارتی بایۆمەتریان هەبێت، لەگەڵ ئەوەشدا سورین لەسەر ئەوەی تەواوی ئاسانکاری بکەین تا هەڵبژاردنەکانی مانگی شوبات بێکێشەبێت، بەڵام، هەڵام ئاساییە گەر هەڵبژاردنی دەرەوەی عێراق نەکەین گەر بزانین ناتوانین بەتەواوی چاودێری پرۆسەکە بکەین یاخود وەک ئەو جۆرە نابێت کە کۆمسیۆن دەیەوێت.
خەلەف ئەوەشی روونکردەوە، تا کاتی ئێستا دەرگای کۆمسیۆن کراوەیە بۆ تۆمارکردنی حزبی نوێ و کاندید و هاوپەیمانی، لەو بروایەداین هەڵبژاردنی ئەمساڵ جیاوازتر و باشتربێت لە ساڵانی رابردوو.
