چین بەشێوەیەکی یەکجاریی هەژاریی بنبڕ کرد لەوڵاتەکەی

SNN

سەرۆککۆماری چین بەشێوەیەکی یەکجاریی کۆتایی بە هەژاریی هێنا لە وڵاتەکەی، ئاشکراشیدەکات بۆ ئەو پرسە زیاتر لە 246 ملیار دۆلاری لە ماوەی 8 ساڵدا خەرجکردووە.

شی جین بینگ لە وتارێکیدا لە کۆنفرانسی ساڵانەی نەهێشتنی هەژاریدا وتی: “بە هەوڵی هەموو لایەک توانیمان هەژاریی قەڵاچۆ بکەین”.

ئاماژەی بەوەشکرد “98.99 ملیۆن لە خەڵکی گوندەکان هێڵی هەژارییان تێپەڕ کردووە، 832 پارێزگا و 128 هەزار گوند لە ناوچەی سووری هەژاریی داماڵراون، لە 8 ساڵی رابردووشدا زیاتر لە 246 ملیار دۆلار بۆ نەهێشتنی هەژاریی خەرجکراوە”.

کۆماری گەلی چین وڵاتێکە لە ڕۆژھەڵاتی ئاسیا ھەڵکەوتووە، شاری پەکین پایتەختی چینە، ژمارەی دانیشتووانەکەی بە زۆرتر لە 1.3  ملیار کەس مەزەندە کراوە و بەمەش بووەتە پڕ دانیشتووانترین وڵاتی جیھان.