گرێبەستی هێڵی ئاسنین لە هەرێم واژۆکرا

SNN

وەزيری ئاوەدانکردنەوەی هەرێم گرێبەستی هێڵی ئاسنینی لەگەڵ چەند کۆمپانيايەک واژۆکرد.

دانا عەبدولکەريم وەزيری ئاوەدانکردنەوەی هەرێم لە کۆنفرانسێکی ڕۆژنامەنوسيدا ئاماژەی بەوەکرد:”کۆمپانيايەکی ئەڵمانی و دوو کۆمپانيای ئيسپانی هەڵسەنگاندن بۆ پڕۆژەکە دەکەن” دەشڵێت:”هێڵی ئاسنين درێژييەکەی لە سەرتاسەری هەرێم ٩١٥کيلۆمەتر دەبێت لە دوای تەواوبونی هەموو قۆناغەکان کە بە سێ قۆناغ ئەنجامدەدرێت.

باسی لەوەشکرد:”قۆناغی يەکەم بەدرێژای٦٢٠ کيلۆمەتر و قۆناغی دووەم ١٣٥ کيلۆمەترە وە قۆناغی سێيەم ١٦٠ کيلۆمەترە”.

سەبارەت بە تێچوی پڕۆژەکەش وەزيری ئاوەدانکردنەوە رايگەياند:”تێچوی پڕۆژەکە لەسەر و مليارێک دينارەوە دەبێت، بەڵام تا هەڵسەنگاندنەکانی کۆمپانيکان تەواونەبێت تێچوەکەی بە تەواوی ديارنييە”.

لە ساڵی ٢٠١٢ وەزارەتی ئاوەدانکردنەوە ماستەرپلانی هێڵی ئاسنی لە هەرێم دياريکرد.