رێکخراوی تەندروستی جیهانی: بەهۆی گەیشتنی ڤاکسینەوە واز لە رێکارەکان مەهێنن

SNN

رێکخراوی تەندروستی جیهانی داوا لە وڵاتان دەکات بەردەوامبن لە رێکارە خۆپارێزییەکان ئەگەرنا شەپۆلی سێیەم و چوارەمی ڤایرۆسەکە بڵاودەبێتەوە.

مایک ڕایان، بەڕێوەبەری بەرنامە لەناکاوەکانی رێکخراوەکە ئەمڕۆ هەینی لە کۆنفرانسێکی رۆژنامەوانیدا وتی: بەهۆی گەیشتنی ڤاکسین بە بەشێک لە وڵاتان نابێت واز لە رێکارەکانی خۆپارێزی بهێندرێت.

رایان وتیشی: گوێبیستی بەرپرسانی حکومی بەڕازیل بووم کە وتوویانە کۆرۆنا بووەتە بەشێک لە مێژوو، کە ئەوەش مایەی نیگەرانی رێکخراوەکەمانە.

ئەمە لەکاتێکدایە ڤاکسینی کۆرۆنا گەیشتووەتە هەرێمی کوردستان و عێراق و دەست بە کوتانی چەند توێژێک کراوە.