بەرزبوونەوەی نەوت نابێتە هۆی دابەزینی بەهای دۆلار بەرامبەر دیناری عێراقی

SNN

ساڵح هاشمی، شاره‌زای بواری ئابووری عێراق ده‌ڵێت: به‌رزبوونه‌وه‌ی به‌رده‌وامی نرخی نه‌وت، كۆتایی به‌ كورتهێنانی دارایی ده‌هێنێت.

ساڵح هاشمی له‌ لێدوانێكیدا بە میدیا عێراقییەکانی راگەیاند‌: به‌رزبوونه‌وه‌ی نرخی نه‌وت و گه‌یشتنی به‌ به‌رزترین ئاست، ئابووری ده‌بووژێنێته‌وه‌و پاره‌یه‌كی زۆر بۆ وه‌به‌رهێنان ده‌سته‌به‌ر ده‌كات، ئه‌مه‌ش ده‌بێته‌ هۆی ده‌ستپێكردنه‌وه‌ی پڕۆژه‌ ته‌واو نه‌كراوه‌كان، بەڵام دابه‌زاندن و به‌رزكردنه‌وه‌ی نرخی دۆلار سیاسه‌تی حكومه‌ته‌ بۆ چالاككردنی ئابووری و پڕكردنه‌وه‌ی كورتهێنانی دارایی.

ئه‌و شاره‌زایه‌ی بواری ئابووری عێراق ئاماژه‌ی به‌مه‌شدا كه‌ به‌رزبوونه‌وه‌ی نرخی نه‌وت، نابێته‌ هۆی ئه‌وه‌ی به‌مزووانه‌ نرخی دۆلار بۆ نرخه‌ كۆنه‌كه‌ی بگه‌ڕێنێته‌وه‌.