وەزارەتی ئەوقاف: لە نوێژی هەينيدا رێنماييە تەندروستييەکان جێبەجێبکەن
نوێژی هەینی
SNN
وەزارەتی ئەوقاف و کاروباری ئاينی هەرێم داوای لە مامۆستایانی ئاینی و نوێژخوێنان کرد لە نوێژی هەينيدا رێنماييە تەندروستييەکان جێبەجێبکەن.
وەزارەتی ئەوقاف لە راگەيەندراوێکدا بڵاويکردەوە: “لەئێستادا نەخۆشی ڤایرۆسی کۆرۆنا رۆژ بە رۆژ لە زیاد بووندایە، داوا لەمامۆستايانی ئاينی و نوێژخوێنان دەکەین کە ھەوڵی جدی بدەن بۆجێبەجێ کردنی رێنمایيە تەندروستیکان، لەبەستنی ماسک و رەچاوکردنی دووری نێوانتان و پاراستنی پاک وخاوێنی بەگشتی”.
راشيگەياند: “بۆئەوەی بتوانین بەکەمترین زیان لەو نەخۆشیە دەرچين و ھاوڵاتیانمان بپارێزین، پێویستە ھەموومان ھاوکارو یارمەتی دەربین”.
بەپێی ئامارەکانی وەزارەتی تەندروستی: لە 24 کاتژمێری رابردوودا 361 توشبووی نوێ بە ڤايرۆسی کۆرۆنا تۆمارکراوە و پێنج کەسيش گيانيان لەدەستداوە و 134 کەس چاکبونەتەوە.
