سەرۆکوەزیرانى کەنەدا پیرۆزبایی نەورۆز دەکات

SNN

سەرۆکوەزیرانى کەنەدا پیرۆزبایی جەژنى نەورۆزی لە گەلى کورد و گەلانى ئاسيا کرد بەبۆنەی يادکردنەوەی ئەو بۆنەيەوە.

جەستن ترۆدۆ سەرۆکوەزیرانى کەنەدا لە پەیامێکى ڤیدیۆییدا رايگەياند: “هەموو رۆژێکتان نەورۆز بێت و نەورۆزتان پیرۆز بێت، لەم ئاهەنگەدا، هاوڕێ و خێزانەکان کۆدەبنەوە و خواردنی کلوتوریی بۆ یەکتری دەبەن، گوێ لە مۆسیقا دەگرن و یادی ئەو بۆنەيە دەکەنەوە”.

وتيشی “نەورۆزی ئەمساڵ لەکاتێکدايە، بڵاوبونەوەی ڤایرۆسی کۆرۆنا بەردەوامە، پێویستە پابەند بن بە رێکارە تەندروستییە گشتییەکان، ئەمەش بۆ واتا زۆر کەس رۆژەکە بەتەنها بەسەر دەبەن، هەندێک کەسی دیکەش ئاهەنگی یادەکە دەکەنەوە بەبێ کەسە خۆشەویستەکانیان کە لە کارەساتی فڕۆکە ئۆکرانییەکەدا گیانیان لەدەستدا.