وتەبێژی وەزارەتی خوێندنی باڵا: رۆژی شەممە دەوامی زانکۆ و پەیمانگاکان دەستپێدەکاتەوە

SNN

عەباس ئەکرەم، وتەبێژى وەزارەتى خوێندنى باڵای هەرێم رایگەیاند: رۆژى شەممەى داهاتوو بەرواری 27ی ئازار، پرۆسەى خوێندن لە زانکۆ و پەیمانگاکانى هەرێمى کوردستان دەستپێدەکاتەوە و پابەند دەبن بە ساڵنامەى زانکۆییانەوە کە لە سەرەتاى ساڵی خوێندنى ئەکادیمى داڕێژراوە.

روونیشی دەکاتەوە: بۆ پاراستنی پرۆسەى خوێندن، وەزارەتى خوێندنى باڵاو توێژینەوەى زانستى بەهۆی بڵاوبوونەوەی کۆرۆنا بڕیاری پەیڕەوکردنی سیستمى خوێندنى ئاوێتەى داوە وەک پێویستیەکى سەردەم و هاوشێوەى زۆربەى زانکۆ بەناوبانگەکانى جیهان.

دەشڵێت، سیستمی ئاوێتە سەرکەوتنى بەرچاوى لە ناوەندەکانى خوێندنی زانکۆ و پەیمانگەکان بەدەستهێناوە. لەو چوارچێوەیەشدا لەگەڵ دەستپێکردنەوەى پرۆسەى خوێندن لەسەرەتاى هەفتەى داهاتوو بە پابەندبوون بە رێنماییە تەندروستییەکان پرۆسەى خوێندن بەردەوام دەبێت.