پیلانێکی تیرۆریستی بۆ کوشتنی چەند دادوەرێکی کەرکوک پوچەڵکرایەوە
SNN
ئاژانسی هەواڵگریی سەربە وەزارەتی ناوخۆی عێراق رایگەیاند “پیلانێکی تیرۆریستییان پوچەڵکردووەتەوە کە نیاز هەبووە دادگای لێکۆڵینەوەی کەرکوک بکاتە ئامانج”.
لە بەیاننامەیەکدا کە وێنەیەکی بە SNN دراوە “یەکێک لەو تیرۆریستانەی داواکراوە بە مادەی 4ی تیرۆر، لەو گرووپەدا بووە کە پیلانیان هەبوو ژمارەیەک دادوەری لێکۆڵینەوەی کەرکوک بکەنە ئامانج”.
لە بەیاننامەکەدا هاتووە “ئەو کەسە ئەندامی رێکخراوی داعش بووە و دانی بەوەدا ناوە کە بەنیاز بوون لەکاتی تەواوبوونی دەوامی رەسمی رۆژانەیاندا بەگوێرەی پیلانێک دادوەرانی دادگاکەی کەرکوک بکەنە ئامانج و تیرۆریان بکەن”.
