ئەحمەد سەفار ” هەرێم و بەغدا لەسەر ماددەی 11ی پرۆژەیاسای بودجە رێککەوتن”

SNN

ئەحمەد سەفار بڕیاردەری لیژنەی دارایی عێراق لە پشكی كورد ئاشكرای دەكات، كە شاندی حكومەتی هەرێم لەگەڵ لایەنەكانی عیراق لەسەر پشكی هەرێم لە بودجە و مووچە ڕێككەوتن.

دوانیوەڕۆی ئەمڕۆ یەكشەممە، شاندی هەرێمی كوردستان لەگەڵ لیژنەی دارایی پەڕلەمانی عیراق كۆبووەوە بۆ گفتوگۆ كردن لەسەر ئەو بڕگە نوێیەی لایەنە شیعەكان زیادیان كردووە بۆ ماددەی 11ی بودجە، كە تایبەتە بە پشكی بودجەی هەرێمی كوردستان.

ئەحمەد سەفار، بڕیاردەری لیژنەی دارایی پەڕلەمانی عیراق بۆ ڕۆژنامەی (الصباح)ی فەرمی عیراق ڕایگەیاندووە، ڕێككەوتن كراوە لەسەر ماددەی 11ی بودجەی 2021 لەنێوان شاندی هەرێم و كوتلە كانی پەڕلەمان.

ماددەی 11 لە پرۆژەیاسای بودجەی عێراق تایبەتە بە پشکی هەرێم لە بودجەی عێراق، لەبەرامبەر رادەستیکردنی نەوت و نیوەی داهاتی نا نەوتی لە لایەن هەرێمەوە بە بە‌غدا