سەرۆککۆمار مافی خانەنشینی بۆ ئەو کارمەند و پزیشکانە پەسەندکرد کە بە کۆرۆنا گیانیانلەدەستداوە

SNN

د. بەرهەم ساڵح، سەرۆککۆماری عێراق یاسای مافی خانەنشینی کارمەندانی سەر بە وەزارەتی تەندروستی پەسەند کرد، کە پزیشك و کارد و کارمەندانی تەندروستی دەگرێتەوە، کە بە هۆی پەتای کۆرۆناوە کۆچی دواییانکردووە.

لەمیانی واژووکردنی یاساکەدا بەرهەم ساڵح جەختیکردەوە کە پەسەندکردنی یاساکە وەک پاداشتێک بۆ هەوڵ و قوربانییە گەورەکانی پزیشكی و کادر و کارمەندانی تەندروستی دێت کە ناویانە بۆ پاراستنی ژیانی هاووڵاتیان و پارێزگاریکردن لە تەندروستی گشتی لە کاریگەرییەکانی پەتای کۆرۆنا و زامنکردنی ژیانێکی شکۆمەندانە بۆ کەسوکاریان و پاراستنی بەدەستهێنانی مافی خانەنشینان.

پەسەندکردنی یاساکە لەلایەن سەرۆککۆمارەوە دوای ئەوە هات کە لە ئەنجوومەنی نوێنەران دەنگی لەسەردرا و گەیشتە سەرۆکایەتی کۆمار.