2000 بەرپرسی ئیسرائیلی بۆ بایدن: رێککەوتنی ناوەکی زیندوومەکەرەوە
SNN
دوو هەزار بەرپرسی ئێستا و پێشووی هەواڵگری و ناو سوپای ئیسرائیل لە نامەیەکدا کە ئاڕاستەی بایدنیان کردووە، داوا دەکەن ئەمریکا نەگەڕێنێتەوە بۆ رێککەوتنی ناوەکی لەگەڵ ئێران.
ئەو بەرپرسانەی ئیسرائیل کە سەرجەمیان پلە و پۆستی باڵایان هەیە یاخود هەبووە لەناو دامەزراوە هەواڵگری و سەربازییەکانی ئیسرائیل لە نامەکەیاندا دەڵێن: “خێراکردنی ئەمریکا لە دانوستانەکانی لەگەڵ ئێران سەبارەت بە پرسی ناوەکی، ئیسرائیل و هاوپەیمانە عەرەبەکانی دەخاتە مەترسییەکی جددییەوە”.
ئەو بەرپرسانەی ئیسرائیل دەڵێن: “رێککەوتنی ناوەکی لەگەڵ ئێران پڕ کەموکورتییە و هەڕەشەی راستەوخۆیە بۆ سەرناوچەکە”.
ئەمە لەکاتێکدایە ئیدارەی نوێی ئەمریکا هەوڵەکانی بۆ زیندووکردنەوەی رێککەوتنی ناوەکی چڕکردووەتەوە و ئەمە حکومەتی ئیسرائیلی نیگەرانکردووە.
