بەرهەم ساڵح سەردانی بزوتنەوەی گۆڕانی کرد
SNN
بەرهەم ساڵح سەرۆککۆماری عێراق ئەمڕۆ سەردانی بزوتنەوەی گۆڕانی کرد لە گردی زەرگەتەی شاری سلێمانی و لەگەڵ رێکخەری گشتی و بەشێک لە ئەندامانی جڤاتی گشتی بزووتنەوەی گۆڕان کۆبووەوە.
ئەم سەردانە لە چوارچێوەی سەردانەکەیدایە بۆ قسەکردن لەگەڵ هێز و لایەنە سیاسییەکانی هەرێم دەربارەی پرۆژەی یەکڕێزی نێوان لایەنەکان.
ئەم سەردانە هاوکاتە لەگەڵ نزیکبوونەوەی هەڵبژاردنی پەرلەمانی عێراق و تەوەری کۆبوونەوەکەی ئەمڕۆش پرسی هەڵبژاردنەکە و بەشداریکردنی کوردە بە یەکدەنگی.
پێشتر بەرهەم ساڵح سەرۆککۆماری عێراق لەگەڵ مەکتەبی مەکتەبی سیاسی یەکێتی و نێچیرڤان بارزانی سەرۆکی هەرێم، مەسرور بارزانی سەرۆکی حکومەت و مەسعود بارزانی سەرۆکی پارتی، عەلی باپیر سەرۆکی کۆمەڵەی دادگەری و سەلاحەدین بەهائەدین، ئەمینداری گشتیی یەکگرتوو کۆبووەوە و دواتر هاتە سلێمانی.
