قەدەغەی هاتووچۆی هەرێم و ئێران درێژکرایەوە
دەروازەی نێودەوڵەتی باشماخ
SNN
لەسەر داوای ئێران قەدەغەی هاتووچۆی گەشتیاری نێوان هەرێم و ئێران بۆ دوو هەفتەی دیکە درێژکرایەوە.
ئیبراهیم زراعی، جێگری پارێزگاری سنە بەمیدیای وڵاتەکەی راگەیاند رایگەیاند: “قەدەغەی هاتووچۆی گەشتیاری لە دەروازە سنورییەکانی نێوان هەرێمی کوردستان و وڵاتی ئێران تا ڕۆژی 5ی حوزەیران درێژبکرێتەوە ئەوەش بەهۆی مەترسییەکانی کۆرۆناوە“.
لەرۆژی 25ی شوباتی ئەمساڵەوە، بەچەند قۆناغێک بڕیاری قەدەغەی هاتوچۆی گەشتیاریی نێوان هەرێم و ئێران دراوە و دواتر نوێکراوەتەوە، تەنها ڕێگە بەو کەسانە دەدرێت، كە هەڵگری ڤیزای نەخۆشین، یاخود خوێندکارن.
مەترسییەکانی ڤایرۆسی کۆرۆنا لەسەر هەرێمی کوردستان ماوە و بەرپرسانی تەندروستی داوا لە هاووڵاتیان دەکەن خۆپارێزی بکەن و بەدەم وەرگرتنی ڤاکسینی دژە کۆرۆناوە بچن.
