نەتانیاهو: فڕۆکەی بێفڕۆکەوانی بۆمبڕێژکراوی ئێرانمان خستووەتەخوارەوە
Israeli Prime Minister Benjamin Netanyahu gestures as he delivers a speech to supporters following the announcement of exit polls in Israel's general election at his Likud party headquarters in Jerusalem March 24, 2021. REUTERS/Ammar Awad
SNN
ئەمڕۆ بنیامین نەتانیاهو رایگەیاند هێزی بەرگری ئاسمانی وڵاتەکەی لەم هەفتەیەدا فڕۆکەی بێفڕۆکەوانی بۆمبڕێژکراوی ئێرانی خستووەتە خوارەوە.
بەگوێرەی نەتانیاهو ئەو فڕۆکەی بێفڕۆکەوانە لە خاکی عێراق یان سوریاوە ئاڕاستەی ئیسرائیلکراون و دەشڵێت: “هێزی سەربازی ئێران ئەو فڕۆکەیەیان ئاڕاستەکردووە و لەسەر سنووری نێوان ئیسرائیل و ئوردن لەلایەن هێزی بەرگری ئاسمانی ئیسرائیلەوە خراوەتەخوارەوە”.
میدیاکانی ئیسرائیل دەڵێن ئەمە دووەمجارە ئێران فڕۆکەی بێفڕۆکەوانی بۆمبڕێژکراو بۆ ئیسرائیل بنێرێت و ساڵی 2018 فڕۆکەیەکیان کە لە سوریاوە بۆ باکووری ئیسرائیل رۆیشت لەلایەن هەلیکۆپتەرێکی ئیسرائیلەوە خرایەخوارەوە.
تا ئێستا ئێران بە فەرمی دانی بەوەدا نەناوە کە لەپشت ئەو هەوڵەی هێرشکردنەسەر ئیسرائیل بووە.
