قوباد تاڵەبانی: پڕۆژەی بە بازاڕکردنی گەنم جگە لە دابینکردنی ئاسایشی خۆراک هەلی کار دەڕەخسێنێت

SNN

جێگری سەرۆکی حکومەتی هەرێمی کوردستان رایگەیاند: “پرۆژەی نیشتمانی بەبازاڕكردنی گەنمی جوتیاران لە سلێمانی ژمارەیەكی زۆر هەلی كار بۆ هاوڵاتیان و جوتیاران دەڕەخسێنێت”.

قوباد تاڵەبانی، جێگری سەرۆکی حکومەتی هەرێم رایگەیاند:” پرۆژەی نیشتمانی بەبازاڕكردنی گەنمی جوتیاران لە سلێمانی، جگە لە دابینكردنی ئاسایشی خۆراك و گرنگیدان بەبەرهەمەكانی دانەوێڵە، ژمارەیەكی زۆر هەلی كار بۆ هاوڵاتیان و جوتیارانیش دەڕەخسێنێت”.

راشیگەیاند: “ئەم پرۆژەیە دەچێتە خانەی پلان و ئامانجی درێژخایەنی حكومەت، كە هەمەجۆركردنی سەرچاوەكانی ئابووری و بووژاندنەوەی كەرتی كشتوكاڵە لە رێگەی گرنگیدان بە بازاڕكردنی بەرهەمەكانی و بەستنەوەی بە كەرتی پیشەسازییەوە”.

ئەمڕۆ هەریەکە لە مەسرور بارزانی، سەرۆکی حکومەتی هەرێم و قوباد تاڵەبانی، جێگری سەرۆکی حکومەت بەردی بناغەی پرۆژەی بەبازاڕکردنی گەنمی جوتیارانیان لە سلێمانی دانا.