هاتووچۆی هەولێر شۆفێرانی تەکسی ئاگادار دەکاتەوە
SNN
بەڕێوەبەرایەتی هاتووچۆی هەولێر شۆفێرانی تەکسی لە دوا وادە بۆ لێدانی لۆگۆ و لەزگە ئاگادار دەکاتەوە و رایدەگەیەنێت: “هەر شۆفێرێک پاببەند نەبێت، دەست بە سەر تەکسیەکەیدا دەگیرێت”.
لە راگەیەنراوێکدا بەڕێوەبەرایەتی هاتووچۆی هەولێر شۆفێرانی تەکسی ئاگادار کردوەتەوە لەوەی بە مەبەستی لێدانی لۆگۆ، لەزگە و دروستکردنی کارتی زانیاریی تەکسی سەردانی بەڕێوەبەرایەتی گواستنەوە بکەن.
راشیگەیاندوە: “دوای مۆڵەت بۆ تەواوکردنی رێکارەکانی پەیوەست بەو بابەتە رۆژی 1/8/2021یە”.
لە کۆتاییشدا هۆشداری داوە و رایگەیاندوە: ” لەو دوای ئەو وادەیەوە هەر شۆفێرێکی تەکسی پابەند نەبێت دەستبەسەر تەکسیەکەیدا دەگیرێت”.
