منداڵێکی سێ ساڵان لە کەلار لە ئاودا خنکا

SNN

علی جەمال قدووری  بەرپرسی راگەیاندنی پۆلیسی گەرمیان رايگەياند: “بەیانی ئەمڕۆ دووشەمە تەرمی منداڵێکی سێ ساڵان بەناوی (باوان ئومێد حەمید) هێنرایە بەشی فریاکەوتنی شەهید هەژار کەبەهۆی خنکان لەئاو گیانی لەدەستدابوو”. 

راشيگەياند: “بەوتەی کەسوکاری ئەو منداڵەی گیانیلەدەستداوە لە شاری هەڵەبجەوە لەگەڵ دایکی بەسەردان هاتوونەتە گەڕەکی حەمرینی قەزای کەلار “.

دەشڵێت “نیوەڕۆی ئەمڕۆ کەوتۆتە ناو چاڵێکەوە کەپاشماوەی ئاوی غەسلێکی ئۆتۆمبێلی ئەوگەڕەکەی لێ کۆبۆتەوە و لەئەنجامدا گیانی لەدەستداوە”.