یەکەم وڵات مامەڵەی فەرمی بە دراوی ئەلیکترۆنییەوە دەکات
بیتکۆین
SNN
سەرۆکی وڵاتی سەلڤادۆر لە ئەمریکای ناوەند رایگەیاند، کار بۆ ئەوە دەکەن مامەڵەی فەرمی بە دراوی ئەلیکترۆنییەوە بکرێت، بەوەش دەبێتە یەکەم وڵات کە بیتکۆین وەک دراوێکی فەرمی بەکاربهێنێت.
نایب بوکێلێ سەرۆکی سەلڤادۆر رایگەیاندووە کە حکومەتەکەی خوازیارە لە پاڵ دۆلاری ئەمریکیدا، بیتکۆین بکاتە دراوێکی فەرمی و یاسایی و مامەڵەی پێوە بکرێت.
سەرۆکی سەلڤادۆر پێیوایە کە بەکارهێنانی بیتکۆین ئاسانکاری دەکات بۆ ژیانی پەنابەرانەی کە لە دەرەوەی وڵات دەژین و دەیانەوێت پارە بۆ کەسوکاریان بنێرنەوە.
هاوکات بە شێوازێکی رەخساندنی هەلی کار لە وڵاتەکەیدا تەماشایدەکات و بڕوای وایە کە بەوهۆیەوە وڵاتەکە زیاتر گەشەی ئابووری دەکات.
لەلایەکی دیکەوە دراوی بیتکۆین 10 ملیۆنی دیکە بەکارهێنەری دەبێت.
