ئیمارات بوو بە ئەندامی ئەنجومەنی ئاسایشی نێودەوڵەتی
SNN
ئیمارات بەفەرمی بوو بە یەکێک لە پێنج ئەندامە کاتیەکەی ئەنجومەنی ئاسایشی نێودەوڵەتی بۆ ساڵەکانی 2022 بۆ 2023.
ئەمە دووەمجارە لە مێژووی ئیماراتدا کە وڵاتەکە کورسییەکی هەڵبژێردراوی ئەنجومەنی ئاسایشی نەتەوەیەکگرتووەکان بەدەستبهێنێت.
شێخ محەمەد بن راشید حاکمی دووبەی، کە جێگری سەرۆکی وڵاتیشە لە تویتێکدا وتی: “هەڵبژاردنی وڵاتەکەمان بۆ ئەندامبوون لە ئەنجومەنی ئاسایشی نێودەوڵەتی ئاماژەیە بۆ چالاکیبوونی دیپلۆماسیەت و پێگەی وڵاتەکەمان لە کۆمەڵگای نێودەوڵەتی، ئەمە رەنجی ماندووبوونی تیمی دیپلۆماسی ئیماراتە کە لەلایەن شێخ عەبدوڵا بن زەیدەوە سەرۆکایەتی دەکرێت”.
وتیشی: “بە خۆشحاڵییەوە دەڕوانینە ئەندامێتی و رۆڵی کارا و ئەرێنی و چالاکمان لە ئەنجومەنی ئاسایشی نێودەوڵەتی”.
ئەنجومەنی ئاسایشی نێودەوڵەتی پێنج ئەندامی هەمیشەیی هەیە، لەگەڵ 10 ئەندامی کاتی کە پێنجیان ساڵانە هەڵدەبژێردرێن بۆ ماوەی دوو ساڵ کورسییەکیان پێدەدرێت.
