چین: چیتر چەند وڵاتێکی کەم ناتوانن بڕیار لە چارەنووسی جیهان بدەن

SNN

چین لە پەیامێکدا بۆ وڵاتانی ئەندامی جی حەوت رایگەیاند: ئەو سەردەمە بەسەرچوو، کە گروپێکی بچووک بڕیار لە چارەنووسی جیهان بدات.

وڵاتانی ئەندامی گروپی جی حەوت لە کۆبوونەوەیان لە لەندەن یەکێک لەو پرسانەی تاوتوێیان کرد دۆزینەوەی رێگەچارەیەک بوو بۆ رووبەڕووبوونەوەی هەژموونی چین لە جیهان.

لەوبارەوە باڵیۆزخانەی چین لە لەندەن رایگەیاندوە: ” ئەو سەردەمە تێپەڕی کە چەند وڵاتێک بە تەنها بڕیار لە سەر چارەنووس و بابەتە جیهانییەکان بدەن.

راشیگەیاندوە: “حکومەتی چین بڕوای وایە، وڵاتان، گەورە بن یا بچوک، بەهێز بن یان لاواز، دەوڵەمەند بن یان هەژار یەکسانن و پێویستە پرسە جیهانیەکان بە بێ جیاواز بە راوێژ لە گەڵ سەرجەم وڵاتان تاوتوێ بکرێن و بڕیاریان لەبارەوە بدرێن”.

ئەمریکا، کەنەدا، ئەڵمانیا، فەرەنسا، بەریتانیا، ئیتالیا و ژاپۆن وەک ئەندامانی گروپی جی حەوت ساڵانە کۆبوونەوەی لوتکە ئەنجام دەدەن و بڕیار لەسەر چەندین پرسی جیهانی دەدەن.