حکومەتی عێراق بڕی وەرگرتنی گەنمی لە جوتیارانی هەرێمی دیاریکرد
گەنمی جوتیاران
SNN
بەڕێوەبەری گشتیی بازرگانی لە وەزارەتی بازرگانی و پیشەسازی هەرێم رایگەیاند: “حکومەتی عێراق بڕی ئەو گەنمەی دیاریکردووە کە ئەمساڵ لە جوتیارانی هەرێم وەردەگیرێت”.
نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی هەرێم لە راگەیەنراوێکدا باسی لەوەکردووە: ” پاش ئەوەی هەردوو وەزارەتی کشتوکاڵی حکومەتی فیدراڵ وحکومەتی هەرێمی کوردستان کۆبونەوە بڕیاردراوە کە بۆ ئەمساڵ 375 هەزار تەن گەنم لە جوتیارانی هەرێم وە ربگیرێت”.
راشیگەیاندوە: بۆئەومەبەستە سایلۆکانی هەرێم ئامادەکاریان کردوە بۆ وەرگرتنی ئەوبڕە گەنمە لەجوتیاران.
ئەمەش لە کاتێکدایە حکومەتی هەرێم لەمساڵەوە لە رێگەی پڕۆژەی بە بازاڕکردنی گەنمی جوتیاران گەنم لە جوتیارانی هەرێم وەردەگرێت.
