حکومەتی هەرێم: هاووڵاتییان دەتوانن بە پارەیەکی رەمزی کۆتایی بە قەرزەکانیان بهێنن

SNN

فەرمانگەی میدیا و زانیاری حکومەتی هەرێمی کوردستان رایده‌گه‌یه‌نێت، حکومەت لە بەشێکی زۆری قەرزەکانی هاوڵاتیان خۆشدەبن.

فەرمانگەی میدیا و زانیاری حکومەتی هەرێم رایگەیاندووە: “وەزارەتی شارەوانی و گەشتوگوزار حکومەتی هەرێمی لە بەشێکی زۆری قەرزەکانی ئاوى هاوڵاتیان خۆش دەبێت”.

راشیگەیاندووە: “پرۆسەکە بەمنزیکانە دەستپێدەکات بۆیە هاووڵاتیان ئەم دەرفەتە لەدەست خۆیان نەدەن و سەردانی فەرمانگەکانی ئاو بکەن و بە لێخۆشبوونێکی زۆر و پارەیەکی ڕەمزی کۆتایی بە قەرزەکانیان بهێنن”.

روونیشیکردوەتەوە: “هەندێ هاوبەشی ئاو هەن، ئەگەر بۆ یەک مانگ، یەک ملیۆن دیناریشان بۆ هاتبێتەوە، واتە قەرزار بن، بە پێدانی تەنیا 45 هەزار دینار، قەرزیان لەسەر نامێنێ”.