لاڤرۆڤ: ئەوروپییەکان دەیانەوێت لە دەرەوەی رێککەوتنی ئەتۆمی هەندێک بابەت بە سەر ئێراندا بسەپێنن

SNN

وەزیری دەرەوەی روسیا رایگەیاند: لە دانوستانەکانی ڤییەننادا وڵاتانی رۆژئاوایی هەوڵ دەدەن هەندێک بابەت بەسەر ئێراندا بسەپێنن، کە هیچ پەیوەندییەکیان بە رێککەوتنی ئەتۆمییەوە نییە”.

سێرگی لاڤرۆڤ وەزیری دەرەوەی روسیا سەربارەت بە دانوستانەکانی ڤییەننا بۆ بەگەڕخستنەوەی رێککەوتنی ئەتۆمی رایگەیاندوە: هاوبەشە ئەوروپییەکانمان، هەموو هەوڵێک دەدەن بۆ ئەوەی لە رێگەی گۆڕانکاری لە رێککەوتنی ئەتۆمی ساڵی 2015 کۆمەڵێک پابەندبوونی دیکە بەسەر ئێراندا بسەپێنن”.

وتیشی: “ئەو پابەندبوونانە نە لە دەقی رێککەوتنی ئەتۆنیدا ئاماژەیان پێکراوە، نە هیچ پەیوەندییەکیشیان پێوەی هەیە”.

ئەمەش لە کاتێکدایە بەرپرسانی ئەمریکا و وڵاتانی ئەوروپی چەند جارێک باسیان لەوەکردووە، لە دوای بەگەڕخستنەوەی رێککەوتنی ئەتۆمی پێویستە لەسەر پرسی بەرنامە موشەکیەکەی ئێران و پشتگیری ئەو وڵاتە لە گروپە توندڕەوەکانی رۆژهەڵاتی ناوەڕاست گفتوگۆ و دانوستانی لەگەڵ بکرێت.